O‘zbekistonda yangi Nissan Patrol taqdim etildi

Y63 indeksli avlod V6 dvigatelining ikki xil varianti bilan sotuvga chiqarildi.

Tadbir 22-fevral kuni Toshkentda, "O‘zekspomarkaz" pavilionlaridan birida Nissan Uzbekistan mijozlarining tor doirasida o‘tkazildi.

Voqea noyob bo‘ldi, chunki qo‘shni O‘rta Osiyo mamlakatlarida va umuman butun MDHda ushbu avtomobil hali taqdim etilmagan va kelajakda ham taqdim etilmasligi ehtimoli bor. Hozircha mashhur yo‘ltanlamasning so‘nggi avlodini asosan arab mamlakatlari bozorlarida erkin sotuvda uchratish mumkin, chunki u safari ishqibozlariga maksimal darajada moslashtirilgan.

Nissan Patrol faqatgina avlod o‘zgarishi tufayli All-New shiori bilan cheklanib qolmadi. Kompaniya ramaning konstruksiyasi va kuzovga, dvigatel qismiga hamda salon ichiga ko‘plab o‘zgartirishlar kiritdi. Patrol tezkor bo‘lib, 5.6 litrli V8 dvigatelidan voz kechgan bo‘lsa-da, oldingi Y62 modeli bilan taqqoslaganda sezilarli darajada kengaydi, balandlashdi va uzunlashdi. Shu bilan birga, g‘ildirak bazasi o‘zgarishsiz — 3076 mm bo‘lib qoldi.

Ishlab chiqaruvchining ta’kidlashicha, rama yanada mustahkamlashgan. Xususan, buralishga chidamliligi 25 foizga oshgan.

Asosiy o‘zgarishlardan biri — yangi kuch agregati. Y63 indeksli Patrol uchun ikkita V6 varianti taqdim etilgan:

• dinamik tezlanishni afzal ko‘ruvchilar uchun 425 ot kuchiga ega 3.5 litr turbinali;
• motorning ravon ishlashi va vaqt sinovidan o‘tgan ishonchliligini qadrlaydiganlar uchun 316 ot kuchiga ega 3.8 litrli atmosferlik V6.

3.5 litrli turbodvigatel bilan jihozlangan versiyasini 1.6 milliard so‘mdan (125 000 $) buyurtma qilish mumkin. 3.8 litrli V6 versiyasining narxi esa 1.4 milliard so‘mdan (110 000 $) boshlanadi.

Yangiliklar qatorida shassida — turli yo‘l sharoitlarida harakatlanishni yanada yaxshiroq moslash uchun adaptiv amortizatorlar bilan birgalikda ishlatiladigan pnevmatik ballonlar bilan jihozlash imkoniyati mavjud.

Salonning ichki qismi ham butunlay o‘zgartirilgan. 12.3 dyuymli sensorli ekranga ega, Apple CarPlay va Android Auto yangi multimedia tizimi, shuningdek, to‘liq raqamli uskinalar paneli o‘rnatilgan.

Salon 7 o‘rinli yoki 8 kishiga mo‘ljallangan bo‘lishi mumkin. Modelning eng orqa uchinchi qatori uch o‘rinli, ikkinchi qatorda esa, jihozlanishiga qarab, yo divan, yo bir juft alohida o‘rindiq o‘rnatilishi mumkin.

To‘q qizil rangdagi yangi dizayn hech kimni befarq qoldirmaydi.

Nissan Patrolning yangi avlodi bilan Toshkentdagi Nissan Uzbekistanning rasmiy ko‘rgazma zalida tanishishingiz mumkin. Manzil: Salar sohili, 47-uy.